Når du stig inn i ei av dei små, lafta stovene, stig du inn i livet til Sunnfjordingen på 1800-talet. Langs stiane mellom torvlagde tak, hesjer og ein liten kvernbekk, kan du ane kvardagen på den tida våre tipp-tipp-oldeforeldre levde.
Friluftsmuseet syner fram kulturarv og daglegliv frå dei indre Sunnfjordbygdene. Med over 30 antikvariske bygg, får du oppleve eit tradisjonelt tun, ein husmannsplass og ein støl. Ved vatnet står det naust, og her kan du om sommaren ta deg ein dukkert og helse på museumsgeitene.
Innandørs finn du skiftande kulturhistoriske utstillingar, museumsbutikk og du kan få kjøpt deg is. I skogen rundt museet finn du informative turløyper. I sommarhalvåret kan du få ei skreddarsydd og familievenleg omvising på norsk og engelsk.
Opningstider
I påske og heilagdagar i mai held museet stengt
