I Naustdal finn du fleire bra fiskeplassar og eit mangfald av godt merka fjellturar. Sanden ligg midt i sentrum av Førdefjorden, og er ei populær badestrand. Naustdal har årleg kunstutstilling i Vevring, med verk av kunstnerar frå fleire land. På Russeneset ved Ålesundet ligg eit friluftsområde med naturstiar. Over Slettehaug ved Førdefjorden stod det største luftslaget i Noreg tre månadar før frigjeringa i 1945. Her ligg Luftkampmuseet, samlokalisert med Håjen Kafè som byr på god lokalmat og gardsbutikk.
Styggelifossen
I Naustdal finn vi Styggelifossen, ein foss med eit fall på 115 meter. Fossen har erodert inn i landskapet og laga seg ein sti i fjellet. Om ein ønskjer er det høve til å få ein guida tur til fossen. Turen er på 2 timar og du opplever både vått terreng og klatring ned i juvet der fossen treff vassdraget.
Laksefiske
I Naustdal finn ein vassdraget Nausta som har utløp i Førdefjorden. Nausta er ei lakseførande elv på 12 kilometer, som blir sett på som eitt av Noregs flottaste vassdrag. Det er gode fiskeplassar langs heile elva.
