Kjenn naturkreftene på nært hald frå Sunnfjords vakraste fossar.
Ei reise i Astrups rike
Vandre i Nikolai Astrups rike på Jølster og opplev dei sterke naturinntrykka han henta si inspirasjon frå.
Desse fossane i Sunnfjord må du få med deg
Sommar, vinter, haust, vår
Sist oppdatert: 30.01.2024
© Visit FjordKysten
Kraft, energi og full av kontrastar! Sunnfjord byr på mange ville, vakre og spektakulære fossar i rå natur! Vi gir deg 7 fossar som du kan oppleve frå nært hald
Huldefossen
Huldefossen heng vakkert over som naturens sceneteppe og er ein av dei mest fotograferte fossane i Fjord Norge. Fossen har eit spektakulært fall på 92 meter og har ein sterk vasskraft. På grunn av det breie, flate vassfallet og hyllene nedover i fossen har Huldefossen alltid vassrøyk rundt seg.
Hovefossen
Ein tur inn i Naustedalen vil du ikkje angre på. Her kan du besøke vakre Hovefossen, så klår og vakker. Fossen er ein populær fiskeplass, og i sjølve fossen er det laksetrapp som blei bygd i 1975. På denne måten kunne Anadrom fisk passere Hovefossen og gå vidare åtte kilometer oppover til Kallandsfossen. Valdet ligg i eit naturleg avskjerma området i spennande, intens og utfordrande natur med fosser, høler, stryk og stillare område.
Likholefossen
Gaularvassdraget er kraftfullt og vilt, og ein tur til den spenstige stålbrua over Likholefossen gjev deg nærkontakt med krafta i fossen, spesielt når vassføringa er stort. Frå brua kan du vandre vidare på Fossestien langs dei verna vassdraga.
Naustdalfossen
Nausta er ei ettertrakta elv for sportsfiske etter laks og sjøørret. Den store laks- og sjøørretførende strekninga er 12,4 kilometer. På denne strekninga er det to fossar, Naustdalfossen og Hovefossen.
Osfossen
Osfossen er blant dei mest kjende fossane i Gaularvassdraget og er den siste fossen i Gaula før elva løpe ut i Dalsfjorden. Denne fossen er ein sikker stad for å kunne få laks på kroken. Dette er også ein fin plass å lære seg flugefiske.
Styggelifossen
Styggelifossen lev så absolutt ikkje opp til namnet sitt. Fossen er ein kraftig foss med eit fall på 115 meter, og ved juvet vil du få spektakulær nærkontakt med dei kraftige naturkreftene. Turen ned til juvet tek ca. 2 timar i vått terreng. Du må også beregne litt klatring på vegen ned. Det er mogleg å få guida turar til Styggelifossen.
Vallestadfossen
Den mektige Vallestadfossen har eit fall på 90 meter og ligg i Råheimsdalen, langs riksveg 13. Fossen er ein av dei mest kjente fossane i Gaularvassdraget, og fossekraften har tidligare vert nytta til kverner, sagbruk og kraftverk. No ligg det eit minikraftverk i fossen.
Bli inspirert til di reise i FjordKysten og Sunnfjord
FjordKysten og Sunnfjord er fylt med spektakulære opplevingar. Vi trur du også vil like desse