Hopp til hovedinnhold

Vinteren langs FjordKysten er ofte ei stormfull oppleving, kombinert med eit fantastisk vinterlys. November til februar er høgsesongen for stormar! Kaldt vêr med snø er heller sjeldan på våre kantar, men vindfulle dagar har vi mykje av! Regionen er det mest stormfulle området i Sør-Norge, og det byr på spektakulære naturopplevingar!

FjordKysten er på sitt mest romantiske på vinteren, og det er fantastisk å ta nokon dagar fri for å oppleve naturkreftene. Det å bu godt er ein viktig del av opplevinga. Fyr i peisen, kryp under teppet og nyt varm drikke i koppen saman med dine nærmaste.

Fisk og skaldyr er på sitt beste om vinteren, og restaurantane våre byr på matopplevingar av ypperste klasse. Overalt møter du eit godt vertskap - det røffe kystklimaet vårt står i sterk kontrast til dei hyggelege folka som tek deg i mot.

Nokre dagar er klare og solrike, men som regel er stormfullt vêr rett under hjørnet. Å sjå bølgjane slå mot land frå eit utsiktspunkt i havgapet er eit fasinerande syn. Det milde klimaet gjer at du kan gå mange flotte turar året rundt. Når du treng ein pause frå ruskevêret kan du besøke lokale galleri og museum. Eller kva med ein tur på spa?

Er du på jakt etter ei unik stormoppleving? Her finn du ei oversikt over ypparlege overnattingsstader!

Overnattingsstader

Related articles