Vi gir deg 10 tips for høstferie med barn i Norge

10 spennande aktivitetar for born

Hausten er perfekt for museumsbesøk for familien. Musea har ofte eige haustferieprogram med aktivitetar som verkstad og omvising, så vi anbefaler å følge med på heimesidene, eller facebook-sidene deira for spennande aktivitetar for store og små.

Vandre langs gamle sjøbuer ved Kystmuseet i Florø

Ved Kystmuseet i Florø kan du vandre langs den fine kultur- og naturstien mellom gamle sjøbuer, over bruer og ut på ei øy. Langs med stien finn du skilt med informasjon om blant anna sjøfugl, lyngheia og livet på Brendøya. Sjå spor etter hustufter, fiske og gardsdrift langs gode turstiar tilrettelagt for både barnevogn og rullestol.

Gulatinget

Ved Tusenårsstaden Gulatinget på Flolid i Gulen kan du vandre langs den godt tilrettelagte kulturvandringsløypa, som du kan følge på mobil eller Ipad. Her får du lære meir om Gulatinget, og korleis livet på tinget kunne arte seg. Løypa er om lag 2 km lang, og tek om lag ein time å gå.

Måløyraidsenteret

På Måløyraidsenteret i Måløy kan store og små lære om Måløyraidet frå 1941. Originale bilete og film blir vist i ei levande utstilling som har rørt tusener av besøkande.

Kvernsteinsparken

Kvernsteinsparken har eit fantastisk uteområde med ein formidlingsløype, tilgjengeleg heile året. Her kan du bli kjend med Nord-Europas største steinbrotsområde frå vikingtid/mellomalder. Følg steinhoggarløypa gjennom visningsbrotet. Ved 14 postar undervegs kan du lære meir om livet til steinhoggarane, teknikkane dei brukte og kvernsteinane si reise vidare ut i verda.

Ynskjer du ein guida oppleving er dette tilgjengeleg ved forespurnad.

Gårdsopplevelse hos Indrefjord Gard

Hos Indrefjord Gard kan ungane halde på i timesvis med å kose med kaniner, stelle hestene, eller få seg ein ridetur. Når det er tid for påfyll av energi fyrer dei i bålpanna for ein koseleg utandørs lunsj.

Vassglede og sauna

På skikkelig høstfylte dagar er det fint å kunne trekke inn i varme badeanlegg og saunaer. I Florø finn du badeanlegget Havhesten som består av ei symjehall, treningsrom og spinningsal. I marinaen like bortanfor ligg Kinn Damp sin sauna, og ikkje langt unna flyplassen ligg Havstua Sauna.

Coasteering

Har du høyrt om Coasteering? Aktiviteten inneber å bevege seg i både vatn og på land langs klipper i sjøkanten, ein leiken, utfordrande og adrenalinfylt måte å oppleve naturen på.

Gjennom Coasteering får store og små moglegheiten til å dykke, hoppe, klatre og utforske kystlinja på ein heilt ny måte, i trygge og kvalitetssikra rammer. I Måløy tilbyr Sjøbris Adventure erfarne guidar og sikker utstyr for å gjennomføre aktiviteten på ein forsvarleg måte, utan at det skal gå på bekostning av spenninga. Avslutt dagen med ein tur i saunaen.

Opplev Jølstravatnet med sykkel, i ein båt eller frå kajakken

Jølstravatnet er ein perfekt stad for små og store eventyrarar. Her kan familien oppleve det vakre landskapet både frå land og frå vatn.

Leig syklar og ta turen langs sørsida av Jølstravatnet i dykkar eige tempo. Undervegs kan de stoppe ved Astruptunet, der kunstnaren Nikolai Astrup henta inspirasjon til fleire av sine mest kjende måleri. Ved parkeringsplassen finn de også eit Astrup-staffeli, ein flott stad å ta eit familiebilete med den vakre naturen som bakgrunn.

Vil de utforske Jølstravatnet frå vatnet, kan de bli med Jølster Boat Tours på ein guida båttur gjennom Kjøsnesfjorden og Jølstravatnet. Er familien glad i fiske, tilbyr Kjøsnes Feriehytter guida fisketurar der de kan prøve fiskelykka etter den ettertrakta jølsterauren.

For familiar med litt større born som ynskjer ei aktiv naturoppleving, arrangerer Kvåleskajakk guida kajakkturar på Jølstravatnet. Å gli stille over vatnet med dei bratte fjellsidene rundt dykk er ei oppleving de seint vil gløyme.

Villsausafari i Solund

I Solund ventar ei heilt spesiell naturoppleving for heile familien. Her kan du bli med på ein guida villsausafari og møte den gamalnorske sauen i sitt rette element. Saman med guider frå Sognefjord Active får de kome tett på dei nysjerrige dyra, samstundes som de lærer korleis villsauen har halde kystlyngheia levande i tusenvis av år.

10 dagsturhytter som er verdt å sjekke ut

I FjordKysten og Sunnfjord finn du 10 dagsturhytter som er perfekt for ein familieutflukt. Dagsturhytta er ei gratis hytte tilgjengeleg for alle. Målet med hytta er å stimulere turglede i trygge rammer, med eit flott utmål 15-90 minuttars gange frå løypestart. I FjordKysten og Sunnfjord finn du følgande dagsturhytter, i tilfeldig rekkefølge.

10 fine fjell- og fotturar perfekt for store og små

Fjella er spesielt vakre på denne tida av året. Regionen har eit rikt utval av turar i varierte lengder og høgdeprofil, så det skal godt gjerast å ikkje finne ein som passar for deg og din familie.

Her kjem ei liste over 10 anbefalte turar for familien, i tilfeldig rekkefølge

10 fine haustferiehytter for heile familien

Bu på ei hytte ved sjøen, eller overnatt mellom mektige fjell og langstrakte fjordar og fjellvatn. Regionen har eit rikt utval av flotte hytter og feriehus i regionen. Finn din favoritt.