Ja, utsikta vil iallfall ta pusten frå deg. Kva med å prøve nokon nye og kanskje mindre kjente toppturar utan trengsel?
Langs heile FjordKysten er det eit rikt utval av fotturar i varierte lengder og høgdeprofil, så det skal godt gjerast å ikkje finne ein ny favoritt heilt etter din smak.
Dagsturhyttene og Nordsjøløypene er populære turmål for alle som ikkje ønskjer å nytte heile dagen til å bestige dei høgste toppane, men ha god tid til å nyte naturen og turen åleine eller saman med dine kjære.
Hardbakke ligg ved foten av fjellet Ramnenipa. Det er merka med vardar til toppen av fjellet, både frå nord- og sørsida. På toppen av fjellet har ein flott utsikt vestover og ein kan sjå heile kommunesenteret. Det er merka tursti rundt Ramnenipa. Bergarten konglomerat, som prydar heile kommunen, gjer også at moglegheitene for klatring er svært gode.
Blegja i Askvoll blir gjerne kalt Dronninga blant fjella i Sunnfjord, og ikkje utan grunn. Med sine 1304 m.o.h. er Blegja den høgste fjelltoppen i FjordKysten. Blegja byr på utsikt heilt frå Jostedalsbreen og dei 7 fjella rundt Bergen, 100 km vekke! Ei spektakulær naturoppleving!
Majestetisk, trolsk og utfordrande - dette er ord som vert brukt om Lihesten, dette landemerket og samlande symbolet for Hyllestad.
Alt i vikingtida var fjellet eit viktig landemerke, og Olav Kyrre søkte ly under fjellet og vurderte å leggje ein by i Lifjorden. Det er mogleg å gå mange turar og bruke mykje tid i dette særmerkte fjellmassivet i Hyllestad.
Bestig den norske hest - fjellet som stig nærmast loddrett opp av havet! 481 meter høgt og synleg meir enn 100 km til havs er Alden eit av dei mest markante seglingsmerka på Vestlandet. Frå toppen har du fantastisk utsikt i alle retningar!
Heileberget er ein populær topptur med fantastisk utsikt over Dalsfjorden og øyane i vest. Du finn merka tursti frå parkeringsplassen på Otterstein (Askvoll-sida av Dalsfjordbrua). Turen er relativ krevande, men det er ingen klatring. Nyt flott utsikt 761 meter over havet.
Pollatinden er det nest høgste fjellet i Solund og vert omtala som Dronninga av øyriket. Om det er det at fjellet er det nest høgste fjellet i kommunen som er opphavet til dronningsnamnet, eller det faktum at Dronning Sonja gjentatte gonger har besteget fjellet veit ingen.
Fjellet ruvar 541 meter over havet og byr på fantastisk utsikt over dei vestlegaste øyane i Norge.
La deg forføre av vakker utsikt 613 meter over havet. Veten er det høgste punktet i Vågsøy, og dannar saman med Brurahornet bakgrunnen for byen Måløy. Start turen ved Måløy stadion. Her kan du enten parkere ved stadion eller følgje vegen opp til vannverket nedanfor Skramsvatnet.
Nyt utsikta over store delar av Vågsøy og Stadhavet frå toppen.
Hanekammen ligg 652 meter over havet og byr på vakker utsikt over heile Vågsøy, Stadthavet, innover langs Nordfjorden samt delar av Bremangerlandet.
Turen startar ved å svinge av ved butikken på Deknepollen. Køyr deretter 500 meter og ta av mot høgre. Følg vegen til toppen av byggefeltet, ta til venstre og parker langs vegen etter ca. 100 meter. Herfrå finn du ein gruslagt bakke med eit skilt som peikar mot Hanekammen.
La utsikta ta pusten og nyt utsynet over mylderet av øyar frå den høgste toppen i Florø skjergarden! Med sine 492 meter over havet er Store Batalden den høgste fjelltoppen av øyane vest for Florø. Her kan du nyte synet av den vakre naturen som gjer skjergarden rundt Florø heilt unik!
På Store Batalden kan du også besøke den prisbelønte Batalden Havbu med museum, kunstutstilling og overnatting. Batalden Havbu har mellom anna blitt tildelt Olavsrosa for si formidling av kystkultur.