Ei reise i Astrups rike

Jølster er eit populært reisemål, omkransa av mektige fjell, brear og eit langstrekt vatn som ligg som eit naturleg midtpunkt. Å reise hit er som å reise til Astrup sitt rike der rabarbraen blømer i hagane, fullmånen lyser over åkrane og Kleberfossen stuper dramatisk ned fjellsida bak Prestegarden.

Jølster som inspirasjonskjelde

Nikolai Astrup brukte Jølster som ei viktig inspirasjonskjelde for kunsten sin, og det er lett å forstå kvifor. Det vakre Jølstravatnet strekkjer seg som ei blå livsnerve gjennom dei tolv grendene, og dannar ramma rundt eit landskap rikt på natur, kultur og opplevingar.

Kunsten som vaks fram i Jølster

Nikolai Astrup er ein av Norges mest kjende kunstnarar, og saman med kona Engel busette han seg på Astruptunet, vakkert plassert ved Jølstravatnet. Astruptunet er i dag eit kunstverk i seg sjølv.

Heimen til Nikolai og Engel Astrup er verdskjend som motiv i fleire av kunstnaren sine ikoniske verk. Soleienatta, Isdronninga og Seljekallen er henta direkte frå dette landskapet, med prielden og revebjøllene som gjentakande element i motiva.

Hagen var ei sentral inspirasjonkjelde for Astrup, og målet hans var å gjenskape dei sterke naturinntrykka han opplevde. Både bygningar, interiør og gardshage er lett gjenkjenneleg i kunstverka.

Topp 10 ting å gjere i Jølster

Jølster byr på eit mangfald av opplevingar gjennom heile året, enten du likar rolege dagar i naturen eller noko meir aktive eventyr. Her kan du gå på fjellturar, padle på Jølstravatnet og Kjøsnesfjorden, bli med på båtturar med eigen guide, sykle, bli med på fisketur, eller berre nyte stillheta og utsikta. Vil du ha fleire konkrete tips?

Kunst og kultur i Astrup sitt rike

Kunst og kultur står sterkt i Sunnfjord. Regionen har vore ei viktig inspirasjonskjelde for kunstnarar, og har i dag eit rikt kulturliv med djupe røter i historie og tradisjon. I Sunnfjord finn du fleire museum som gir innblikk i kunst, historie og lokal kulturarv.