Vandre i Nikolai Astrups rike på Jølster og opplev dei sterke naturinntrykka han henta si inspirasjon frå.
Nikolai Astrup er ein av Noregs mest kjende kunstnarar. Saman med kona Engel busatte kunstnarparet seg på Astruptunet som ligg ved det idylliske Jølstravatnet.
Astruptunet er eit levande kunstverk i seg sjølv, og hagen på Astruptunet var ei viktig inspirasjonskjelde for kunsten til Nikolai Astrup. Målet hans var å gjenskape dei sterke naturinntrykka han fekk. Både bygningar, interiør og gardshagen vil ein kjenne att i kunstverka, og mykje av dette er skapt og forma av Nikolai Astrup sjølv.
Nikolai Astrup brukte Jølster som ei viktig inspirasjonskjelde for kunsten sin, og vi forstår godt kvifor. Det vakre Jølstravatnet strekkjer seg som ei blå kjelde gjennom dei tolv grendene, og er den perfekte destinasjonen for gode opplevingar.
Kvåleskajakk vil ta deg med på ein eventyrleg padletur på vakre Kjøsnesfjorden. Her kan du padle mellom bratte fjell og eit smeltevatn frå Jostedalsbreen som vil gje grøne spektakulære refleksjonar i vatnet. På padleturen kan du blant anna skimte motivet av det kjente måleriet "Kollen".
Matkulturen står sterkt i Jølster, og signaturretten jølstraauren betyr mykje for kjennskapen til bygda. Ca. 15 tonn jølstraaure vert fiska kvart år i Jølstravatnet, og fisken kan du nyte på dei lokale serveringsstadene, både lokale og nasjonalt.
Nikolai Astrup var glad i god mat og drikke, og ein av favorittane var løvetannvin. På Jølst finn du vingarden Vestavin der du kan delta på vinsmaking med eigenproduserte fruktvinar, då blant anna løvetannvin.