For deg som vil ha mest mogleg ut av tida, staden og stunda.
Moglegheitene for å reise har vore avgrensa i lang tid, og mange lengtar etter dei verkeleg gode opplevingane. Kanskje du skal investere i ei stund som varer. Du treng ikkje reise så langt for å finne ho. La oss hjelpe deg med å skape ei stund med fridom i spektakulære fjordlandskap og vill natur. Ei stund med ro på unike og bortgøymde overnattingsstader. Ei stund med kvarandre for nye opplevingar. Ei stund som varer evig.
Dei fjordnære fjelltoppane i Møre og Romsdal byr på heilt unike naturopplevingar og fantastiske moglegheiter for truge- og skiturar i vinterhalvåret. Dei spektakulære omgivnadene får lufta til å kjennes litt ekstra frisk ut, og kjensla av fridom vert endå litt sterkare.
Vel mellom eit hav av opplevingar i fantastisk natur. Til fots, på ski, til sjøs, for dei spenningssvoltne og for deg som vil ha komfort. Her kjem du i kontakt med dei som kjenner lokalområda aller best:
Oppdag nokre av dei unike overnattingsstadene i Møre og Romsdal, stader som endrar seg med årstidene. Stader ved foten av fjell og breidda av fjordar. Unike stader som har vakse fram i ulendt terreng. Stader skapt av lokale eldsjeler og entusiastar frå nærmiljøa. Her kan du legge kvardagen bak deg, og nyte ei stund i komplett ro. Dei rolige morgonane, frukosten med det beste frå lokalområdet, den ekstra koppen med kaffi. Møre og Romsdal har alt du måtte ønske deg, enten det er moderne design eller ei historisk perle.
Det er ofte dei enkle stundene du hugsar best. Stunder der det berre var deg og dine næraste. Stunder saman på ein heilt ny stad. Ei stund med nye smakar og nye opplevingar. Finn dei enkle stundene, dei reine smakane, dei lokale råvarene og det beste frå naturen.
Nett det lyset du vakna til, det lette snøfallet då du klatra opp fjellet, smakane frå den sesongen du var her og opplevingane du fekk saman med dei du er glad i, det vert til stunder som berre er dine.
