Områda rundt Kinn var det sentrale sildefeltet i Norge i store delar av 1800-talet. På det meste budde det ca. 15.000 menneske her og på omkringliggande øyar i sildesesongen. I dag er det berre nokre få fastbuande på Kinn. På øya ligg ei vakker steinkyrkje frå mellomalderen.
Kinnakyrkja er bygd i romansk byggjestil, og har vore i bruk sidan 1100-talet. Kyrkja er den eldste i Sunnfjord. Fjellveggen bak kyrkja reise seg steilt opp, og den ruvande Kinnaklova er nærmaste nabo. Den berømte Kinnaklova er eit kjend seglingsmerke langs skipsleia.
Lokalbåt til Kinn
Reis til Kinn, og la deg bergta av øya, historia, mellomalderkyrkja og den vakre naturen! Frå kystbyen Florø går lokalbåten mellom øyar og skjer ut til Kinn. Det går lokalbåt frå Fugleskjærskaia i Florø til Kinn kvar dag. Det går 5 båtar kvar dag måndag - fredag, og 2 båtar kvar dag i helgane. Det blir satt opp ekstra båtar på sommaren. Sjå entur.no for rutetider.
Ringestopp
Ein del av stoppa på Kinn er såkalla "ringestopp". Dette betyr at båten kjem til Kinn på oppsette tider dersom mannskapet veit at det er passasjerar. Når du søker etter rutetider på entur.no og trykkjer på "merknader" får du opp telefonnummeret til båten. Du må ringe båten før den går frå Florø.
Turstiar
Når du har stige i land på Kinn kan du følgje vegen til høgre mot Kinnakyrkja. Turen til kyrkja tek om lag 20 minutt i roleg gange langs ein 1 km lang grusveg. Har du lyst på ein litt lenger tur kan du gå rundt øya før du kjem tilbake til kaia der lokalbåten tek deg tilbake til Florø. Det er om lag 3 km frå kyrkja og rundt øya tilbake til kaia, og du kan rekne om lag 2 timar i gangtid. Turen rundt øya passar for både store og små, og går stort sett i lett terreng. Det er noko bratt terreng opp og ned høgskaret.
Guida tur
For tilbod om guida tur på Kinn, ta kontakt med Visit FjordKysten på mail@fjordkysten.no eller telefon 577 43 000
Kinnaspelet
Kvar tredje helg i juni er det Kinnaspelet - eit drama om kjærleik og svik då reformasjonen kom til Norge. Dette er teateret ved havet, der naturen og landskapet spelar på ein måte som du sjeldan finn andre stader. Les meir og finn billetta her: https://kinnaspelet.no/
Båt frå Bergen og Florø
Det blir satt opp båtruter frå Bergen og Florø til Kinn slik at du kan få oppleve Kinnaspelet.
