Årets julegavetips fra FjordKysten og Sunnfjord

Det er ikkje alltid enkelt å finne den rette julegåva, særleg til den som har alt. Stadig fleire ønskjer å gje bort noko som betyr litt ekstra, enten det er ei oppleving, noko ein kan ha glede av over tid, eller kvalitetstid saman med noko ein er glad i.

Vi har difor samla nokre julegåvetips frå FjordKysten og Sunnfjord, med fokus på lokale opplevingar, gode smakar og gåver som skaper minner. Her finn du inspirasjon til julegåver som gir noko å glede seg til, også lenge etter at jula er over.

Til den matglade, gje eit godt måltid

Ei god matoppleving er alltid ei fin gåve, særleg når ho kan delast med nokon ein er glad i.

Hos Restaurant Bryggekanten i Florø kan du kjøpe gåvekort på ein god middag i maritime omgjevnader ved sjøen. Her kan mottakaren nyte eit godt måltid, enten det er ein romantisk middag for to, ein kveld med vener eller ei hyggeleg stund med familien.

Kvifor ikkje kombinere restaurantbesøket med ei overnatting og ei lita helg i kystbyen Florø?

Gåvekortet på Restaurant Bryggekanten kan kjøpast ved å kontakte restauranten på e-post.

Til den kreative, gje noko nytt å lære

Kjenner du nokon som likar å vere kreativ, bruke hendene og lære noko nytt?

Hos Sunnfjord Museum kan du gje bort eit kurs i korgfletting. Her får mottakaren lære eit tradisjonelt handverk og skape noko heilt eige. Ei annerleis julegåve som byr på ny kunnskap, kreativ utfalding og ei kjekk oppleving. Kanskje er dette noko de kan gjere saman?

Kurset vert arrangert 4.-7. mars.

Til den eventyrlystne, gje eit eventyr på kysten

Kven seier at ei julegåve må opplevast på vinteren? Gje bort noko å glede seg til når sommaren kjem!

Med eit gåvekort på øyhopping med postbåten eller fyrsafari til Utvær i Solund kan mottakaren oppleve noko av det flottaste kysten vår har å by på.

Bli med den lokale postbåten på øyhopping mellom Solund, Bulandet og Værlandet, eller opplev Norges vestlegaste fyr på Utvær. Turane går i sommarsesongen og passar perfekt til den som er glad i sjøen, nye eventyr og opplevingar utanom det vanlege.

Til den som fortener ein pause

Nokon gonger er det beste ein kan gje bort litt tid til å senke skuldrane. Hos Storehesten Panorama kan mottakaren overnatte i ein unik Birdbox, tett på naturen og med fantastisk utsikt over Bygstad. Her kan ein vakne til fjord og fjell, nyte stilla og berre vere til stades.

Vil du gjere opplevinga endå meir spesiell? Kombiner overnattinga med ei avslappande stund hos Dalsfjorden Sauna. Nyt varmen frå badstova, den vakre fjordutsikta og kanskje eit forfriskande bad i fjorden.

For den som ønskjer litt meir aktivitet, tilbyr Storehesten Panorama også gåvekort på kajakkutleige.

Til den som har alt, gje tid saman

Dei finaste gåvene treng ikkje alltid koste pengar. Nokon gonger er det nok å setje av tid til å gjere noko kjekt saman.

Pakk sekken og dra på tur

Inviter nokon du er glad i på ein tur i nærområdet. Pakk sekken med kakao, noko godt å ete og varme klede, og finn ein fin stad der de kan nyte naturen og kvarandre sitt selskap.

Treng du turinspirasjon? Dagsturhyttene er flotte turmål gjennom heile året.

Ein kveld under stjernene

Kva med å gje bort ein kveld under stjernehimmelen?

Finn ein stad med lite kunstig lys, pakk med varme teppe, ein termos med noko godt å drikke og nyt ein kveld ute i naturen. Fleire stader i regionen finn du gapahukar og tilrettelagde bålplasser som eignar seg godt til ei slik oppleving. Kanskje får de auge på eit stjerneskot?

Finn flotte førjulsarrangement

Har du lyst til å få julestemninga på plass før jul? Då kan du oppleve mellom anna juleeventyr hos Leonards Forlaalvese, Harmonia sin julebutikk eller reise på julemarknad i Florø.