Topp 10 ting å gjøre i Måløy

1. Refviksanden

Refviksanden er ei av dei finaste strendene i Norge, med mjuk, kvit sand og ope hav så langt du kan sjå. Her kan du bade, eller berre nyte stillheita og den friske havlufta.

Ønskjer du ei roleg oppleving på stranda, kan du bli med på yoga i saman med Sjøbris Adventure. Lyden av bølgene, og den friske lufta i kombinasjon med gode øvelser for kropp og sjel gir ei heilt spesiell ro.

2. Kannesteinen

Den karakteristiske Kannesteinen er forma av bølger gjennom tusenvis av år, og er eit av dei mest fotograferte naturfenomena på Vestlandet.

3. Vågsberget Handel- og Gjestgjevarstad

Like ved Kannesteinen ligg Vågsberget, eit historiske handelsstad som gir eit spennande innblikk i kystkulturen.

4. Kråkenes fyr

Lengst ute i havgapet ligg Kråkenes fyr, der du verkeleg får kjenne kreftene frå storhavet. Kråkenes er ein spektakulær stad året rundt, enten sola skin eller stormen står på

Når du først er ute og utforskar, bør du også ta turen til dei andre fyra i Vågsøy. Skongenes fyr, Ulvesund fyr og Hendanes fyr har alle si eiga historie og unik plassering i landskapet.

Fleire av attraksjonane rundt Måløy ligg perfekt til for ei aktiv oppleving på to hjul. Med elsykkel kjem du deg enkelt fram mellom strender, fyr og utsiktspunkt utan å måtte tenkje på lange avstandar. Du kan leige sykkel hos Måløy Adventure

5. Kajakk med Sjøbris Adventure

Å padle kajakk langs kysten gir deg eit heilt nytt perspektiv på landskapet. Med guide frå Sjøbris Adventure kjem du tett på både natur og dyreliv i trygge rammer.

6. Coasteering med Sjøbris Adventure

For dei eventyrlystne er coasteering ei oppleving utanom det vanlege. Her kombinerer du klatring, hopping og symjing langs den rå og vakre kystlinja

7. Måløyraidsenteret

Måløyraidsenteret fortel historia om ein av dei mest dramatiske operasjonane i Norge under andre verdskrig. Ei sterk og lærerik oppleving for både store og små.

8. Sauna i Måløy

Kombiner eit forfriskande sjøbad med varm sauna, ei perfekt blanding av velvære og natur. Sauna har blitt ei populær oppleving for både tilreisande og fastbuande.

9. Fjellturar i Måløy

Måløy og Vågsøy byr på mektig utsikt ovanfrå også. Frå fjellturar som Veten, eller dagsturhytta Kletten får du nydeleg utsikt over hav, øyar, fjell og by. Dagsturhytta er ein lett tilgjengeleg og fin tur for heile familien.

10. Street Art vandring

I dei siste åra har Måløy blitt kjent for sin flotte gatekunst som representera kystkulturen i Vågsøy. Det er i dag over 20 veggmaleri rundt om i Vågsøy. Dei fleste av måleria finn du i Måløy, og er perfekt og kombinere med ein vandretur.