Hopp til hovedinnhold

Stranda kommune ligg midt i både Sunnmørsalpane og i opphavsområdet for den sunnmørske industri- og møbelhistoria. Slettvoll-møblane blir framleis produserte her sjølv om mykje av den tidlegare industrien (m.a. Ekornes AS) er lagt ned/flytta.

Strandafjellet og resten av Sunnmørsalpane er eit skieldorado, både for alpin og langrenn. Gondolen på Strandafjellet er open heile året, og frå toppen av Roalden kan du enten nyte fjordutsikta, eller ta ein rundtur langs Stranda-egga, eller andre nærliggande fjellturar.

Sunnmøre er kjent for turar til tindar som rager høgt over fjorden, og med ville fossefall. Men her er og mange familievennlege turar langs flotte sætervegar i bortgøymde dalar omkransa av vill natur, med brusande elver og stille fiskevatn. Den beste måten å nyte fjorden er frå båt, anten det er ei ferje, ein rib eller kajakk. For meir ekstreme aktivitetar er det mogleg å både padle i ville elvestryk, drive med basehopp eller prøve seg i dei litt meir ukjende klatrefelta, som til dømes Stranda-klippa eller i Norangsdalen. Etter turen kan ein kanskje slappe av på ein kaè eller idyllisk badeplass som er tilrettelagt med grill moglegheiter.

Mattradisjonar - Det blir bryggja og det blir baka

Sjølv om regionen kanskje er mest kjent for Grandiosa og spekemat, er der og lange tradisjonar med vidareforedling av mat og ikkje minst brygging. Gå ikkje glipp av nydeleg eplemost eller sider frå Skarbø gard, øl frå anten Geiranger Bryggeri eller Slogen øl. Sistnemnde var det først bryggeriet med lokalt øl. Det er mogleg å smake på lokal bakst frå Geiranger Bakeri, mini- surdeigsbakeriet Hygge, eller hjå Hellesylt Boutique & Bar, som ofte serverer blant anna brunost-ostekake.

Opplev fossane - vilt, vakkert og vått

Du kan padle kajakk forbi «dei sju søstre», gå langs fossevandringa i Geiranger, gå bak Storsæterfossen, padle i ville stryk i Bygdaelva på Hellesylt, vandre langs stille elver i Stranda Moldskreddalen og Sunnylvs Moldskreddalen, eller sjå den spektakulære Hellesyltfossen lyssett i mørketida. I Stranda sentrum er det også lagt til rette for ei elvevandring langs Storelva som startar ved Stranda Hotell.

Stranda
- heile Norges spiskammers med produksjon av Grandiosa, Stranda skinke og Norsk Sjømat. Men det er også ein av innfallsportane til det sunnmørske tindelandskapet og godt utgangspunkt for skiaktivitetar eller fotturar.

Hellesylt – ein liten strandstad med sjarmerande bakgater, badestrand og til og med eige badehus og stupetårn. Kven tørr hoppe frå 10 meteren? Ligg berre ein kort kjøyretur unna Norangsdalen.

Geiranger – ei lita bygd med metropolpreg og UNESCO verdsarvstatus. Opplev yrande folkeliv med sine mange besøkande om sommaren. Med sine kaffibarar, restaurantar, spa-hotell, galleri og butikkar i eit lite sentrum, blir det ei lita bygd med storby-kvalitetar.

Liabygda - ei lita bygd ein gjerne køyrer gjennom, men er eit fint utgangspunkt for toppturar, og har mange fine utsiktspunkt innover Sunnylvsfjorden.

Frå Stranda og dei kringliggande bygdene er det ikkje langt å reise til korkje til Ålesund, Runde, Geirangerfjorden, Hjørundfjorden, Trollstigen og Åndalsnes eller reise sørover til Stryn og Nordfjord.

Et merkeikon

Reiseinspirasjon

Her har vi samlet en rekke artikler skrevet av personer med god kjennskap til vår region. Bla deg gjennom sider med inspirasjon og sett sammen det perfekte opphold for deg. Kanskje oppdager du noen bortgjemte perler?

Aktivitetar og attraksjonar i Stranda & Strandafjellet

Ein region med eit rikt kulturliv og aktivitetar heile året.

Vinsåshornet

Hole Hytteutleige - Grinddalssætra - Vinsåshornet - Grinddalssætra- Hole Hytteutleige Turen byr på imponerande panoramautsikt over Geirangerfjorden. Turbeskrivelse: Turen startar frå Hole Hytteuleige i Geiranger. Her kan vere vanskeleg å få parkert, så spør i resepsjonen ved hyttene kvar du kan setje bilen. Ein går grusvegen mot Vesterås, men svingar av på traktorveg mot høgre straks etter hyttene på Hole. Vegen deler seg igjen ved ei grind, og ein tek til venstre. Deretter fylgjer ein grusvegen. Etter nokre svingar er det skilta til venstre mot Holebakk. Vel ein denne ruta, får ein og med bruket Holebakk og minnetavla som er reist der etter snøraset i 1907 som krevde 10 menneskeliv. Ein kan rekne om lag 45 minutt på grusvegen før ein kjem over på ei svært god rås. Nokre få utsynspunkt har bratte skrentar mot elva frå Vesteråsdalen. Turen til Grinddalssætra tek nye 45 minutt, og frå dei bratte liene kring Geirangerbygda kjem opp i ein idyllisk, flat fjelldal. Ein fin tur for barnefamiliar. På sæterstølen står eit retningsskilt med namn og høgd på toppane i nærleiken. Her kan ein ta kursen mot Vinsåshornet, den markerte toppen på sørsida av dalmunningen. Ein fylgjer råsa vidare frå stølen og oppover dalen. Elvekryssing på solid bru etter om lag 500 m. Merkt turrute skråar innover dalen og oppover fjellsida mot det lågaste punktet på ryggen til Vinsåshornet. På ruta kan ein og oppleve restar etter fleire bogestøer og dyregraver. Oppe i skaret fylgjer ein høgda nordvest til sjølve toppen (1343 m.o.h). Her har ein panoramautsikt mot Geirangerfjorden! Ei meir krevjande rute mot toppen går på framsida av Vinsåshornet. Også denne ruta er merkt, men råsa er ikkje så tydeleg alle stadar. Litt småkliving siste delen. Ruta krev fjellvande folk! (Kjelde: Opptur Geirangerfjorden).

Kommende arrangementer