Hopp til hovedinnhold

Midt i hjartet av fjell- og fjord-Noreg ligg Sunnmøre og Nordfjord med Sunnmørsalpane. Her tek skiheisane deg til timesvis med leik og aktivitet i alpinanlegga med alt anna du har lyst å gjere i puddersnøen. Langrennsløypene og toppturane ventar rett utanfor skisentera. Her er moglegheitene store anten du søkjer den ultimate utfordringa eller vil ta livet med ro i familievennlege skisenter.

Skifest i nordvest

Rett ut mot vest ligg Atlanterhavet. Rett aust ligg Jostedalsbreen og høge fjellområde. Når vêret kjem frå nordvest blir det skifest, og den kalde lufta stangar inn over fjella og drysser snøen over området. Dette skapar gode forhold som gjer området snøsikkert og variert for både skieksperten og nybyrjaren. Tindane byr på utsikt, oppturar og nedkøyringar i særklasse.

© visitalesund.no

I dette fjelltette området langs kysten midt mellom Bergen og Trondheim ligg ni skisenter spreidde utover fjellheimen. Ekspressbussar, flyruter og vegar fører deg rett til skieventyret der du kan klyve opp, sette utfor, hete deg i saunaer ved fjorden og nyte mat frå hav og jord til nærmaste restaurantbord.

Slik brukar du Alpepass

Med Alpepass opnar dørene seg til skianlegg over heile området for nesten same prisen som for eitt av dei. Du har tilgang til 32 skiheisar, over 70 nedfartar, terrengparkar, frikøyring, mykje snø og vanvitig mykje moro. Sånn lar du Alpepass opne dørene til snømoro fleire dagar til endes:

  1. Møt opp på eitt av dei ni skisentera
  2. Hugs ID med bilde til alle som skal ha Alpepass
  3. Vel om du kjøper for to eller fleire valfrie dagar, eller heile sesongen
  4. Ta med deg Alpepass og bruk det i skiheisen på valfrie senter dei dagane du har lyst

Kortet gjer det mogleg å velje skisenter etter vêr, føre og humør. Landskapet er variert, og anlegga ligg spreidd utover heile området. Det betyr at du kan finne dei beste skiforholda, og det beste senteret som passar deg den dagen du vil bruke Alpepass.

Du kan køyre på i bakken, men du kan også lene deg tilbake å nyte fjordutsikta.|© Håvard Myklebust

Ni stopp i alpelandskapet

Om vinteren endrar landskapet i nordvest seg til eit stort leikeland. Dei ni skisentera er inngangsporten, og Alpepass er nøkkelen. Familien eller vennegjengen kan legge basen nær anlegga, i koselege bygder langs fjorden, på tradisjonsrike hotell eller i byen Ålesund. Spisse toppar, fjordutsikt og varierte skianlegg gjer vinterferien til ei unik oppleving. Bli med til dei ni snødestinasjonane:

1. Strandafjellet: Det beste utsynet over fjordane

Skisenteret på Strandafjellet opnar fjellet for deg med gondol, heisar og kanskje eit av dei beste frikøyringsområda i Skandinavia. Det beste av alt er at du kan suse ned bakkane med spektakulært utsyn over fjord og fjell midt i Sunnmørsalpane.

Frikøyring på Strandafjellet Skisenter.|© Håvard Myklebust

2. Harpefossen: Skileik og langtur

Med nesten 600 meter i høgdeforskjell i anlegget, og preparerte trasear gjennom fem idylliske fjellsetrar er Harpefossen, ved Nordfjordeid, perfekt for alpin, telemark, snøbrett og langrenn.

På Harpefossen er det familievenlege nedkøyringar, klassiske langrennsløyper og, ikkje minst, plass for den leikne.|© Thomas Bickhardt

3. Overøye: Frikøyring og terrengpark

På Arena Overøye i Stordal får du både pudderterreng for den erfarne og silkeføre for nybyrjaren som skal lære seg å stå alpint, snøbrett eller telemark.

Sjå snøen på Arena Overøye, og drøym om korleis du kan suse gjennom landskapet.|© alpepass.no

4. Ørskogfjellet: Bynært skitrekk for heile familien

På vegen mellom Molde og Ålesund ligg Ørskogfjellet skisenter. Her er gode slake bakkar for nybyrjaren, og kort veg til bymoro etter ein dag i skianlegget.

Familiar og skientusiastar kan kose seg på Ørskogfjellet Skisenter mellom Molde og Ålesund.|© alpepass.no

5. Ørsta: 700 meter opp og vidare til næraste topp

Midt mellom Hjørundfjorden og Ørstafjorden ligg skisenteret på 700 høgdemeter som gir deg utsikt over Sunnmørsalpane anten du vågar deg ut på off-piste-turar eller ein trygg tur i trekket.

6. Volda: Skitrekk i studentbygda

Volda skisenter er kiosken, bålpannene og grillane klare for at heile familien skal kose seg i bakken. Det familievenlege skisenteret legg til rette for mykje skimoro for store og små.

Volda skisenter sett i frå lufta. |© alpepass.no

7. Hornindal: Paradis for tørr snø i ly frå fjorden

Den vesle bygda med den djupaste innsjøen i Europa har eit av dei lengste skitrekka i landet og varierte nedfartar. Her får du tørrare og kjølegare innlandsklima enn på dei andre sentra du når med Alpepass.

I Hornindal er det gode snøforhold. Her kan du kose deg kalde vinterdagar og på dei litt mildare dagane mot våren.|© Hornindal Skisenter

8. Fjellsætra: Storslagen utsikt og løyper for alle

Sjå naturen, kjenn frosten i kinna, kriblinga i magen og varmen i hjartet når du og turfølgjet ditt meistrar løypene på Sunnmørsalpane Skiarena Fjellsætra.

Moglegheitene er mange på Fjellsætra.|© alpepass.no

9. Stryn Vinterski: Snøsikkert og toppar over tusen meter

Kjem du til Stryn Vinterski så får du fire skitrekk, lange nedfartar og ruter til høge toppar for deg som vil ha fantastisk utsikt.

Vårt beste toppturtips: Guide

Med guide kan du nå nye topper i Møre og Romsdal. Bli kjent med den gode snøen og fjelltoppene sammen med noen av de som kjenner fjellet best.

Finn ut mer

Finn meir reiseinspirasjon