Familiehygge i Sunnhordland i vinterferien

1. Opplev Sunnhordlandstunet

I vinterferien held Sunnhordlandstunet ope tysdag, onsdag og torsdag frå klokka 11 til 14. Her kan heile familien oppleva levande historie gjennom aktivitetar, utstillingar og koselege stunder i museumskafeen.

I familieverkstaden kan ein prøve brikkevev og grindvev eller lage påskekort. I kafeen kan ein spele kort- og brettspel. Utstillingane Det starta med silda, Den vesle manns kunst og tekstilutstillinga er opne.

I kafeen blir det sal av nysteikte vaflar, sjokoladekake, kaffi, saft og brus.

Onsdag 28. februar frå klokka 11 arrangerer Stord Husflidslag strikke- og handarbeidskafé for medlemmar og andre interesserte.

Eller ynskjer du litt spenning og ei utfordring, ta med deg venner og familie på Escaperoom.

2. Besøk Ryvarden Kulturfyr

Vinterferien er ei perfekt tid for ein tur til Ryvarden Kulturfyr, der natur og kultur møtest. Den lettgåtte turen på 2,5 km frå Mølstrevåg byr på frisk sjøluft, ope hav og vestlandsk kystlandskap på sitt mest stemningsfulle. Vel framme kan du utforske ei kunstutstilling i galleriet, kjenne historia i veggane til det gamle fyrmeisterbustaden og nyte nysteikte vaflar med utsikt mot havet. Kle deg godt, og opplev vinteren på Ryvarden.

3. Ta eit bad og kjenn på velvære

Finn roa i vatnet, enten du vil stupe uti med full fart eller berre senke deg ned og kjenne på velvære. I Sunnhordland finn du moderne symjehallar som passar for heile familien. Besøk Bømlo Symjehall, Stord Symjehall eller Austevollbadet for eit forfriskande bad og gode fasilitetar. Vil du unne deg litt ekstra luksus, kan du prøve det nye Vikjo Bad på Stord Hotell – eit spa- og badeanlegg der du kan slappe av i varme basseng og badstuer. Ein perfekt måte å finne ro og påfyll, uansett vêr og årstid.

4. Ta ein tur på kino i vinterferien

Når véret viser seg frå si mest grå og våte side, eller du berre treng ein pause frå kvardagen, er ein kinotur eit godt val. I vinterferien kan du lene deg tilbake i kinosetet, kjenne dufta av nypoppa popcorn og la deg fanga av ei god historie på det store lerretet.

Sunnhordland har fleire kinoar med eit variert program – frå store actionfilmar og magiske eventyr til morosame animasjonsfilmar for heile familien. Enten du er på jakt etter spenning, latter eller ein god dose nostalgi, finn du garantert ein film som passar.

Her finn du kinoprogrammet i ditt område:

• Stord Kino
• Skakke Kino (Etne)
• Fitjar Kino
• Husnes Kino
• Bygdekinoen – Austevoll
• Bømlo Kino

Ta med familie eller vener, nyt ein kinokveld og gjer vinterferien litt ekstra koseleg!

5. Opplev vinterferien ved sjøen i Fitjar

Engesund Visningssenter held ope kvar vekedag frå kl. 08:00–16:00 og laur- og søndag 09:00–16:00. Ta med familien på ei lærerik og annleis oppleving, der de kjem tett på livet i havet – uansett vêr. Kle dykk godt, pust inn den friske sjølufta, og la vinterferien bli eit møte med det vestnorske kystlandskapet på sitt mest ekte.

6. Langrenn eller slalåm- kva vel du?

Vinterferien er perfekt for ein skitur, enten du svergar til langrenn eller helst susar ned bakkane på slalåmski. Pakk sekken med kakao og kvikklunsj og legg turen til Fjellhaugen Skisenter i Kvinnherad, berre ein kort køyretur frå Rosendal. Her finn du både preparerte langrennsløyper og ei alpinbakke som passar for heile familien.

7. Ut & Et - ein smak av Sunnhordland

Opplev den unike smaken av Sunnhordland! Her kan du nyte kortreiste råvarer og lokal matkultur, enten du ønsker et måltid ved fjorden, i fjellet eller på en koselig restaurant i sentrum. Ta med familie og venner ut for en kulinarisk opplevelse i vakre omgivelser. Finn din neste matopplevelse her.

8. Ut på tur i Sunnhordland – familievenlege turar året rundt

Sunnhordland byr på eit variert turterreng for heile familien, uansett årstid. Med åtte kommunar fulle av naturopplevingar er det alltid ein ny sti å utforske.

Har du besøkt ei av dagsturhyttene i Sunnhordland? Kvar kommune har si eiga hytte, plassert langs korte og familievenlege turstiar. Her kan du nyte utsikta, bla i eit lite bibliotek og varme deg ved omnen på kalde dagar (hugs å ta med eigen ved!). I tillegg finn du toalettfasilitetar nær hyttene, slik at turen blir både komfortabel og tilgjengeleg for alle.

Finn din neste turoppleving og oppdag Sunnhordland til fots!

9. Folgefonnsenteret i Rosendal – Ei dør til Folgefonna nasjonalpark

Vil du forstå naturkreftene som har forma Vestlandet? På Folgefonnsenteret i Rosendal kan du dykke ned i historia bak isbreane, fjordane og klimaet på Folgefonnhalvøya. Her får du innsikt i korleis smeltevatn frå breen blir til liv i fjorden, og korleis havstraumar, dyreliv og berekraft heng saman.

Senteret ligg idyllisk til på kaien i Rosendal, lett tilgjengeleg for deg som kjem med Hardangerfjordekspressen frå Bergen. Kombiner besøket med ein gåtur til Baroniet Rosendal og Steinparken – begge berre eit steinkast unna.

Folgefonnsenteret er ein perfekt start for deg som vil utforske Folgefonna nasjonalpark eller leggje ut på eventyr i den spektakulære vestlandsnaturen.

10. Sov godt i Sunnhordland

Etter ein dag fylt med opplevingar i naturen, er det godt å finne ein stad der du kan lade opp til nye eventyr. I Sunnhordland kan du velje mellom overnatting ved havet, i fjella eller i sjarmerande hamner.

Dersom du vil bu tett på naturen, er Himmelhyttene på Stord eit unikt alternativ. Her kan heile storfamilien – opptil ni personar – overnatte i ei moderne hytte med panoramautsikt over fjell og fjord. På Austevoll finn du Bekkjarvik Gjestgiveri, eit historisk hotell . Her ventar gode senger, kortreist mat og ei varm og god stemning.

Uansett kva du drøymer om – ei luksuriøs hotelloppleving, ei rorbu ved bryggekanten eller ei hytte midt i stilla – har Sunnhordland noko for deg.