Topp 10 ting å gjøre i Solund

1. Øyhoppingsparadiset Solund

Bli med den lokale postbåten på øyhopping til Solund, Bulandet og Værlandet. Opplev dei vestlegaste øyane i Norge og kom tett på det spektakulære landskapet med tusenvis av øyer, holmar og skjer. Den lokale postbåten i Solund binder øy-samfunnet saman ved å levere post og transportere fastbuande frå ein øy til ei anna. Siste stopp på den ordinære postruta er det idylliske fiskeværet Gåsvær, og her får ein moglegheit til å gå på land. Gåsvær er ein gammal handelsstad, og ein får møte det lokale vertskapet. Etter stoppet på Gåsvær fortsetter båten nordover til Bulandet i Askvoll kommune. Her kan du utforske øyane på eiga hand før båten går i retur til Hardbakke

2. Kajakk

Solund er eit eldorado for padling. Med tusenvis av øyar, holmar og skjer i vakker urørt natur gir Solund deg nokon av dei beste padleopplevingane Norge har å by på. Opplev sjarmerande fiskevær og ein unik geologi frå din kajakk. Kanskje du vil møte på havørna når du er ute og padla?

NKKA ved Sognefjord Active tilbyr guida kajakk turar og kurs i denne spektakulære kystnaturen.

3. Fyrsafari til Utvær

Du kjem ikkje lenger vest i Norge enn Utvær. Staden har både historisk sus og ein natur som fengjer. Utsikta frå fyret er utruleg flott. Når du vandrar på øya kan du sjå tufter etter kapellet som vart flytta i 1718 og merke etter sliping av sverd. Det mest fasinerande er likevel naturen og havet - lengst vest i Norge. Fyrtårnet på Utvær ragar 31 meter over berget og sender lyskjegla i 45 meters høgde over havflata. Lysblinken kvart 30. sekund når 35 km ut i Nordsjøen. I fleire tiår har den vert det første synet av land for dei som nærmar seg den norske kysten om natta.

Og du? Visste du at Utvær fyr er motivet på den nye 50-krone setelen?

4. På sykkel i Solund

I Solund er det flotte forhold for sykkelturar. Ta med deg sykkelen på øyhopping. Ferje og båtar frakter deg mellom øyane og er ei oppleving i seg sjølv. Sykle nordover langs det idylliske Liasundet. Passer dei idylliske grender og sjå sola gå ned i havet utover Lågøyfjorden. Frå Hardbakke kan du sykle vestover til Daløy og ta den sjarmerande ferga til Haldorsneset. Frå Haldorsneset kan du sykle sør til Nåra. Stopp innom Hjønnevåg og spis lunsj på Havkroa. Kafeen er ope om sommaren.

5. Pollatinden

Pollatinden er det nest høgste fjellet i Solund og vert omtale som Dronninga av øyriket. Om det er det faktum at fjellet er det nest høgste fjellet i kommunen som er opphavet til dronningnamnet, eller det at Dronning Sonja har fleire gonger gått opp på fjellet veit ingen. Fjellet ruvar 541 meter over havet og byr på fantastisk utsikt over dei vestlegaste øyane i Norge. Turen er middels krevjande med bratt stigning på berg. Turen tar ca. 2-3 timar tur/retur.

6. Ramnenipa

Med sine 232 moh har Ramnenipa ein fantastisk utsikt over Hardbakke og Solund. Løypa har grøn gradering og passar til både born og vaksen. Den mest brukte vegen er ved fotballbana på Hardbakke. Frå butikken går du opp Storehaugen og gjennom gaten til du kjem ut på ein grusveg. Her tar du til venstre og går langs med fotballbana. Her finn du ein sti som tar deg heilt opp på fjellet. Turen tar ca. 1 time opp og ned og du kan gå opp eller ned frå sør og nord sida.

7. Ytre Sula

Nesten heilt ytst i kommunen ligg øya Ytre Sula, den nest største av øyane i Solund. Utanfor ligg den vêrstride Straumsfjorden, og endå lengre ute ligg øysamfunna Husøy, Nautøy, Indrevær og Utvær. I Ytre Sula finn du små, idylliske grendesamfunn; Kolgrov, Straumen, Hjønnevåg, Ytrøygrend, Kverhella, Trovåg og Nåra.

I Ytre Sula kan du bu på Solund Rorbuferie, og nyte god mat på Havkroa. Her er og daglegvarebutikk på Nåra.

8. Sognesjøhytta

Vandre til Sognesjøhytta som ligg sør for Hardbakke. Nyt eit flott utsyn over Sognesjøen, om lag 15 meter over havet. Dagsturhytta er eit lågterskeltilbod for turgåarar - ein plass for å ete matpakka si, få litt varme i seg og bla i bøker. Nærme dagsturhytta er ein liten, skjerma våg der kajakkar lett kan legge til.

9. Villsausafari

Opplev den fascinerande historia om den gamalnorske sauen, også kalla villsauen – ein direkte etterkomar av vikingtidas sauer. På denne turen kjem du tett på dei frittgåande villsauene, medan du lærer om livet på øyane både før og no. Du får besøke dei robuste sauene som har levd side om side med kystfolket i over 5000 år, og høyre korleis dei saman har halde landskapet og lyngheiene i hevd gjennom generasjonar.

10. Draumeparken diskgolfdestinasjon

Velkomen til Draumeparken Diskgolfdestinasjon, eit heilt spesielt reisemål for deg som elskar diskgolf – eller har lyst til å prøve for første gong. Her finn du to flotte baner: Draumeparken 22-holsbane, ei profesjonell bane som vert nytta til turneringar, og Idrettsparken 9-holsbane, ei nybyrjarvenleg og sosial bane som passar for både familiar, barn og dei som berre vil ha ei hyggeleg runde.

Likar du å fiske er Solund rette staden

Omgitt av ope hav og fjordar i Norges vakraste skjergard er forholda perfekt for sjøfiske, året rundt. Her kan du fiske makrell, sei, torsk, hyse, lange, krabbar og kreps. Om du kastar snøret djupt nok kan du også få kveite eller breiflabb på kroken. Det er fleire plassar der ein kan leige båtar.