Nordfjord strekker seg frå Vestkapp til Jostedalsbreen, frå Europas lengste via ferrata-bru til tusenårsgamle klosterruinar. Surf og ski, vikingkultur og lokalmat, isbre og sandstrender, toppturar og kystkultur – alt i éin fjord.
Natur og landskap
Nordfjord byr på nokre av Noregs mest ikoniske naturopplevingar. Inst i fjorden finn du Jostedalsbreen med brearmar som Briksdalbreen og Kjenndalsbreen. Smaragdgrønne vatn som Oldevatnet og Lovatnet ligg som speglar mellom bratte fjellsider, og langs dalsidene finn du historiske setrar med utsikt over dei djupe dalane.
Utover mot kysten reiser Hornelen seg, Noregs høgaste sjøklippe på 860 meter som kan bestigast både til beins og Via Ferrata. Her møter du det dramatiske Stadhavet og eit unikt kystlandskap med bratte klipper og kvite langstrakte strender som Grotlesanden, Hoddevik og Vetvika.
